說出 15 件您最近做、最近愛... 總之是最近發生的任何事

{1}被點到必填，不填代表你不尊重傳給你的人和問卷
{2}寫完請點15位，一定要tag番tag你果位朋友(原本:tag番tag你果條友)....

說出 15 件您最近做、最近愛... 總之是最近發生的任何事
做完後 TAG 15 個您的朋友(我唔TAG了~你地想做就做啦)


＞最近，去完迪士尼，無雨。(就只不過係今日咋)

＞最近，成日都夜晚唔願訓，朝早好眼訓。(好似唔只係最近既事…)

＞最近，見親口琴都好想買黎學…但係一諗到吹吹下會有口水流出黎就放棄左。

＞最近，好想影黑角相，好想買部HOLGA……但又好驚自己三分鐘熱度…

＞最近，鐘意左MR. 因為ALAN把聲似EASON…(咁其實我係鐘意邊個呢…)

＞最近，見到套卡樂B扭蛋，鐘意到我想要哂全套呀~

＞最近，好易感動…以前係少少慘位就喊…宜家係少少感動位都會眼濕濕。

＞最近，愛上左睇文言文…

＞最近，發現左自己有半年冇勁咳了~勁~

＞最近，鐘意左摸蜆，真係好好玩呀!!!!!快D 有得再去就好啦。

＞最近，食左好多同白桃有關既商品，正X100000000。

＞最近，鐘意左朱凌凌首THE ONE YOU LOVE…鐘意到想為左隻歌買CD…但發現原來未出…馬上灰左。

＞最近，常常戶外活動，曬黑左…黑到腳鍊位有白色印…哈哈~

＞最近，好想去坐海洋公園個新設施!!!!!!!!!!

＞最近，爛面…到底我對D 乜鬼野敏感呢…